香港真的是一個大溶爐。
最近多了時間在灣仔，就更能體驗這一點。這裡有摩天大樓，又有懷舊唐樓。有亮麗的超級市場，亦有充滿人情味，熙來攘往的街市。餐廳食店就更加數之不盡。
而昨晚地鐵所遇到的亦是其中一個例子。
放工繁忙時間衝入地鐵車廂，見到兩位西裝骨骨，應該是剛剛加入勞動大軍的青年，正在高談闊論：
甲：你就好啦，可以出 Cheap ！！
乙：係呀，今次出 Cheap 仲可以帶埋 Gir Fan 去。甲：咪係，你 Gir Fan 又乜都幫你 Pan 好哂。
乙：又係呀，佢好鍾意 Pan Cheap 咖。不過好煩，最初仲話帶埋屋企隻 Pussy Cat 去添。甲：乜o野 Pussy Cat 呀？
乙：波斯貓呀。。。（註：以上英文冇”寸”錯。）
實在聽到耳仔都痕，支持唔住，再行入車廂。
車廂內見到座位上有一位南亞裔青年，腳旁有一部電腦，正在用手提電話教導一位朋友如何下載軟件。這一次耳仔冇痕，因為這位南亞裔青年用的是非常純正的香港廣東話。想起來他一定是灣仔電腦城內一間由南亞裔員工營運的軟件公司。
坐在他身旁的是兩位大學生，一位像是從內地或台灣來的，另一位則應該是北美外籍學生。佢地正在交流北京有什麼好去處。呀，耳朵沒有痕，而且舒服，因為佢地用很動聽的普通話交談。
此情此景，突然有種 “Lost in Translation” 的感覺。回頭再望那兩位香港的才俊及未來，正在熱烈討論應該要講 “叮噹” 還是 “Dollar A Mon” 的時候，我笑了。
香港真的是一個大溶爐。
M.Y. Lessons Learnt 